Viaxamos ás nosas tradicións!
Os nosos pequenos e pequenas de Educación Infantil tiveron unha xornada máxica no Museo Liste, onde descubriron a exposición Entroido Vigués: 20 anos da Volta dos Merdeiros.
Entre cores, música e disfraces, os nenos e nenas mergulláronse na nosa cultura e aprenderon de xeito divertido como se celebra o Entroido en Vigo. A ilusión nos seus ollos e as súas risas demostran que as tradicións non só se contan… vívense! 
Unha experiencia que conxuga diversión, aprendizaxe e identidade, facendo que cada pequeno descubrimento se transforme nun recordo inesquecible.