O pasado luns 22 de maio, o alumnado de 2º da ESO visitou o Castelo de Soutomaior, unha das máis importantes xoias da arte medieval en Galicia. Despois de varios meses estudando e aprendendo sobre a Idade Media descubrimos máis de cerca este castelo, a súa historia,a figura de Pedro Álvarez de Soutomaior (Pedro Madruga) e coñecemos a vida dunha das últimas propietarias: María Vinyals, a marquesa de Ayerbe. Ademais paseamos polos marabillosos xardíns declarados de Excelencia Internacional desde o ano 2012.