Os alumnos e alumnas de 1º e 2º de Bacharelato participaron na xornada de portas abertas no Campus de Pontevedra, organizada pola Universidade de Vigo. Con esta actividade puideron coñecer en primeira persoa a oferta académica e as infraestruturas dalgunhas facultades como a de Dirección e Xestión Pública, Comunicación Audiovisual e Publicidade, Relacións Públicas, Educación Infantil e Primaria e a facultade de Ciencias da Actividade Física e do Deporte. Resultou unha mañá moi interesante e motivadora para os nosos futuros estudantes universitarios.