Hoxe completamos as actividades propostas para este ano dentro do Departamento de Educación Física para a ESO. Os de primeiro curso tiveron unha clase teórico- práctica sobre o deporte da petanca.
Na propia aula do colexio, foron informados por César Álvarez, presidente do clube San Xoan, e Raquel Simón, a vicepresidenta, da orixe e historia dese deporte que se remonta a época grega, como os primeiros xogadores premiaban a forza enviando as pedras o máis lonxe posible e como máis tarde os romanos privilexiaron a habilidade coa idea dun obxectivo ao que había que aproximarse, o que hoxe en día chaman boliche.
Logo pasamos ao patio do centro onde xa se dividiron en equipos para competir e aprender as regras do xogo practicando eles mesmos, valorando a forza e a técnica que lles permitise ter mellor puntería, tanto na aproximación como no desprazamento das bolas contrarias.
Desde aquí queremos agradecer á Concellería de Deportes de Redondela por termos en conta no seu programa para escolares EducaDeportivo. Agardamos poder participar no futuro noutras iniciativas que enriquezan os coñecemenos dos nosos alumnos.
23 mayo, 2016
