DÍA DO LIBRO

29 April, 2019

El Principito, obra maestra de Exupèry, homanxeada no Colegio Vigo na Semana do Libro.

O pasado día 26 de abril co gallo da celebración da Semana do Libro o Colegio Vigo fixo unha homenaxe a Antoine de Saint- Exupèry investigando e recreando pasaxes da obra máis famosa do autor, “El Principito”. Xornada interesante e entretida para docentes e alumnado pois despois de varias semanas traballando en cada aula  un personaxe do libro, o venres xuntámonos todos no Salón de actos para celebrar o evento e expoñer o que cada curso tiña preparado.

En primeiro lugar, en distintos idiomas, un grupo de rapaces e rapazas de Bacharelato, ESO e Ciclos deron  información sobre o autor ao auditorio e despois cada curso presentou os personaxes máis salientables do relato, escollendo unha frase representativa do capítulo onde aparecían. Deste xeito foron desfilando polo escenario distintos debuxos que decoraban un precioso cartel do Principiño, desde o protagonista, pasando pola rosa, o aviador, a serpe, o negociante, o xeógrafo o faroleiro e o raposo.

Finalmente rematou o acto co visionado dun bonito vídeo que recollía o resumo da actividade deste días pasados onde o alumnado preparaba os seus debuxos e frases seleccionadas desta gran obra da literatura universal.

As actividades realizadas durante a Semana do Libro estiveron estreitamente relacionadas coa visita que varios grupos de Primaria fixeron ao Auditorio da Xunqueira en Redondela onde tiveron oportunidade de contemplar a interesante colección privada do escritor Carlos Casares de máis de 100 exemplares da obra traducidas a diversas linguas e dialectos do mundo. Esta exposición titulada “O Principiño ao redor do mundo”,  organizada polas Bibliotecas Públicas Municipais de Redondela coa colaboración do Servizo de Normalización Lingüística e a Fundación Filomena Rivera Alonso tivo moitísima aceptación no noso alumnado que quedou marabillado ao ver a obra na que eles estiveran traballando traducida a tantos idiomas.

Ver más imágenes

Related Posts

2º BACHARELATO VISITA A FEIRA DE UNIVERSIDADES UNITOUR
O xoves 19 de novembro o alumnado de 2º de Bacharelato visitou a Feira de Universidades UNITOUR celebrado no Auditorio Mar de Vigo. Como cada…
Read More
1º BACH VISITAN A CIDADE DA XUSTIZA DE VIGO
O mércores 18 de novembro, o alumnado de 1° de Bach acudiu á Cidade da Xustiza e asistiu a unha sesión de xuízos no Xulgado…
Read More
AS CLASES DE FILOSOFÍA EN 2º DE BACHARELATO
Os alumnos de 2° de Bacharelato fixeron un xuízo entre a fe e a razón e representaron un debate entre Aristóteles e Santo Tomé de…
Read More
🍂🌰 CELEBRAMOS O MAGOSTO NO NOSO CENTRO! 🌰🍂
Un ano máis, celebramos no noso centro unha das tradicións máis arraigadas do outono galego: o Magosto. Aínda que o tempo non acompañou todo o…
Read More
FESTIVAL IN-IGUALABLES
Unha xornada máis aprendendo a ver a vida con outra mirada, a mirada que nos inclúe a TODOS. Grazas a Asociación Andaina por invitarnos ao…
Read More
CICLO MEDIO DE ELECTROMECÁNICA DE VEHÍCULOS NO KARTÓDROMO DE VALGA
O alumnado do Ciclo Medio de Electromecánica de Vehículos gozou dunha mañá diferente no Kartódromo de Valga. Unha xornada de lecer, diversión e convivencia para…
Read More