Despois da visita ao Club o mes pasado e a boa disposición dos alumnos de 2º da ESO, o pasado martes organizamos unha nova saída ao Club de Remo de Chapela para poder probar en directo a sensación de navegar.
Os alumnos estaban moi nerviosos por vivir a experiencia aínda que as condicións meteorolóxicas non foron de todo boas, xa que sopraba vento do norte, pasárono moi ben e descubriron a diferencia de remar no foso a ter que facelo no mar coas ondas e remando a un tempo, o cal ao principio resultou máis complicado do que crían.
Tivemos a sorte de contar con dúas boas patroas, Marta e Aroa que fixeron todo o posible porque a experiencia fora un éxito.
