O pasado día venres 13 de novembro o noso colexio celebrou por todo o alto a festa do Magosto. Este ano o tempo acompañou e alumnos e profesores disfrutamos dunha preciosa mañá no patio na que, como non podía ser doutra forma, as castañas foron as protagonistas. Amenizamos a festa cun improvisado grupo folk composto por un gaiteiro, unha pandereteira e unha violinista, que puxeron a música ambiente para que o resto dos alumnos bailasen típicas cancións tradicionais. Asimesmo, parte dos integrantes da nosa comunidade escolar participaron no asado das castañas e en diversos xogos populares como as carreiras de sacos, o xogo da ra, relevos con castañas, os zancos, a comba…Mención especial para os cursos e profesores encargados da decoración tanto das aulas coma do porche de entrada, onde nos recibe cada mañá unha alegre castañeira.
